ضغط شديد

اعترف بضغط شديد في الايام هذه، بسبب التخرج من الجامعة، و مع انه ماعندي مواد كثيره و لكن احس بقلق كبير.

اعتقد انه طبيعي.

اخر ترم و ٣ اشهر بالتحديد و راح نستلم الشهادة، و بعدها بشهرين او اقل راح نغادر البلد.

مشروع التخرج عبارة عن مشروع جماعي مع اشخاص اخرين عددنا ٤ اشخاص و الشغل كل ماهو بيثقل.

انا ايش محصلتي حتى الان: بكلوريس هندسة الكترونية و اتصالات، كلاسات في التصوير الفوتوغرافي و الان مشارف على بكلوريس كمبيوتر شبكات تخصص مواقع.

ايش طموحاتي: اكمل ماستر و دكتوراه و اكون اكاديمي. ما اعرف احس اني راح ابدع في التدريس في مجال انا احبه.

 

نستنى و نشوف..

الخوف

ايوه صحيح، اليوم اول مره ابكي بسبب الاحداث في امريكا، لما شفت الناس تخرج من المطارات وسط الترحيب الكبير من المتجمهرين المساندين لهم.

اعتقد انه الطريقة كانت خاطئه من الاداره، اي شخص عنده فيزا و اوراق سليمه ما يتم منعه. اللي يبغى يقدم يتم رفضه.

و هذا اللي صار، تم اصدار قرار من السفاره الامريكية و قنصلياتها في المملكة انه اي احد من حاملي الجنسيات هذه لا يجي و لا يقدم في الوقت الحالي و اللي دفع راح نرجع فلوسه.

خفت ايوه، خفت على عيالي و على نفسي من اي شي يؤثر علينا.

و لكن كل شي له وقته، نحن ناس نمشي في السليم و مع القانون. لانه هذا هو اللي تعلمناه من ديننا.

 

البنون و تربيتهم

ممكن اكون قاسي و لكن هذه هي الحقيقة، النصح و الارشاد في التربية من اهم اسباب السعادة الزوجية. اذا عرفت كيف تربي نفسك فهذا الشي راح نتقل الى عيالك بشكل مباشر.

انا  و احلام متزوجين من ١١ سنة ما قد فكرنا نسئل احد انه يساعدنا في تربيتنا للعيال، اقصد انه يكون في نصح و ارشاد بدون ما يكون في ضرر على الطرفين الاب و الام، طبعا ما في احد يجي من نفسه و يعطيك النصح عشان ما يقول انه تجاوز حدوده او انه انت تعتقد انك ما تعرف تربي صح. هذا الشي اعتقد انه احدى الاسباب الاساسية اللي خلتنا نتاخر في البحث عن الاستشارة.  متابعة قراءة البنون و تربيتهم

           من الزمن البعيد 

قبل اكثر من ٣٠ سنة كنّا نجي المكان هذا عشان نزور أخوالي و جدي و جدتي من أمي، كانت ذكريات جميلة.
اليوم زرنا خالتي و تذكرنا الأيام الجميلة و الاثار اللي كنّا نحب نشوفها في الحارة..
متابعة قراءة            من الزمن البعيد 

يوم العنف العالمي 

كنت مار عند الكافتيريا في الجامعة و اذا اشوف هذه الفلاين اللي على شكل بوسترات مرسومة بشكل مُلفت للانتباه .. سرحت و قعدت اتفرج عليها … شي بسيط لرسالة كبيرة و مهمة .. شكرًا LSSU

   متابعة قراءة يوم العنف العالمي 

صوري في كتاب

الحمد لله.. حتى لما انتقلت الى جامعة جديدة و تخصص جديد عشان اقدر اخلص بسرعة و نكون في الخطوة المستقبلية افضل، ما زلت اتمتع بهوايتي المفضلة التصوير الفوتوغرافي.

كان في طلب من قسم اللغة الانجليزية  في جامعة LSSU انهم ينزلوا كتاب و محتاجين فنانين مثل مصورين او رسم فشاركت بصور عديدة تم اختيار صورتين منها في الكتاب.

الحمد لله هذا انجاز لي.. و ان شاء الله راح اشارك اكثر و اكثر

Mask man
تصوير صورة الرجل المقنع داخل استوديو
2 path
طريقين يؤديان الى مكان مجهول

بكاء الرجل

بكاء الرجل هو احساس، و مقدار من التفكر.. كم مرة بكيت قليل ..

الشي الوحيد اللي ما انساه في الحج.. مع الدكتور الشيخ خالد الجبير ..

هنا، تغيرت كثير و كثير في حاجات في نفسي..

اخر مره تاثرت كانت في صلاة المغرب في مسجد الشيخ نبيل الرفاعي، تذكرت استاذي هاني الرفاعي..

الاحساس هذا مهم، تحتاجه كل فتره و فتره.. كلنا نغلط و نفرط في الغلط بس الباب مفتوح للانسان انه يصلحها مع ربه.. انا احتاجها من فتره الى فتره.. تشعر بالراحة و تحس انك ارتحت خاصة لما تكون مع ربك..